Unioni Evropian i Transmetuesve (EBU) ka njoftuar se Rusia nuk do të marrë pjesë në Eurovisionin e këtij viti.
Bordi Ekzekutiv i EBU-së e mori vendimin pas një rekomandimi më herët gjatë ditës së sotme nga organi drejtues i Eurovision Song Contest, Grupi Referues, bazuar në rregullat e ngjarjes dhe vlerat e EBU.
Rekomandimi i Grupit të Referencës u mbështet gjithashtu nga Komiteti i Televizionit të EBU.
Vendimi pasqyron shqetësimin se, në dritën e krizës së paprecedentë në Ukrainë, përfshirja e një pjesëmarrjeje ruse në konkursin e këtij viti do t'ia ulte reputacionin garës.
Përpara se të merrte këtë vendim, EBU mori kohë për t'u konsultuar gjerësisht me anëtarët e saj.
“Ne mbetemi të përkushtuar ndaj mbrojtjes së vlerave të një konkursi kulturor që promovon shkëmbimin dhe mirëkuptimin ndërkombëtar, bashkon audiencën, feston diversitetin përmes muzikës dhe bashkon Evropën në një skenë”, thuhet në njoftim.
© KOHA. Të gjitha të drejtat janë të rezervuara.
