“Shkolla verore si shkollë” zgjerohet në edicionin e tretë

“Shkolla verore si shkollë” zgjerohet në edicionin e tretë

07 July 2017 11:04

Prishtinë, 7 korrik - Qendra për art bashkëkohor “Stacion”, për dy javë do ta shndërrojë kryeqytetin në stacion artistësh të njohur e të rinj me “Shkollën verore si shkollë”. Janë gati 100 veta nga vende të ndryshme të botës që tashmë janë regjistruar për kurset e ligjëratat që sjell edicioni i tretë i kësaj ngjarjeje, që do të nisë më 10 të këtij muaji, shkruan sot Koha Ditore..

Numri i të interesuarve është vetëm një dëshmi se “Shkolla…” është zgjeruar. Numri i aktiviteteve është dëshmia e radhës bashkë emrat e artistëve që do të marrin pjesë në forma të ndryshme në këtë platformë të artit dhe shkollimit, e cila vjen si rezultat i bashkëpunimit të “Stacionit” me parterë nga Lubjana, New-Yorku, Beogradi, Vjena, Osloja, Shkupi e Sarajeva. Në kontekst më të gjerë, ky projekt i përgjigjet edhe sistemit edukativ në shtetet e rajonit. Prandaj pjesëmarrës nga mbi 20 shtete të ndryshme të botës do të shkëmbejnë eksperiencat e tyre me publikun kosovar.

“Në afatin e aplikimit ka qenë një numër i limituar prej 90 vetash. Në të njëjtën kohë, ky ka qenë një shikim optimist i yni. Është bërë një punë e madhe në zhvillim falë bashkëpunimit me institucione të tjera të vendeve të ndryshme. Po ashtu, puna në rrjetet digjitale e po ashtu prej përkrahjes për këtë platformë, kemi arritur që këtë vit të rritemi”, ka thënë drejtori i “Stacionit”, Albert Heta, të enjten në një konferencë për media (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme