Kulturë

“Zana” e Kosovës me traumat e 1999-s përfaqëson Evropën në Australi

“Zana” e Kosovës me traumat e 1999-s përfaqëson Evropën në Australi

Nga të gjitha vendet e Evropës, “European Film Promotion” në mesin e dhjetëshes që do t’i prezantojë në edicionin e 67-të të “Sydney Film Festival” ka përzgjedhur edhe filmin “Zana” të Antoneta Kastratit. “Edhe pse për mua nuk është ideale që ‘Zana’ të shfaqet vetëm online, sepse është i krijuar për ekran të madh, unë megjithatë gëzohem kur disa festivale po gjejnë mënyra për të na mbështetur dhe që arti të vazhdojë të jetë pranë njerëzve qoftë edhe online”, ka thënë Kastrati

Është një film që i jep zë rrëfimit të pathënë të atyre që lufta ua këputi në mes rrjedhën e jetës. I ndërtuar mbi themele ngjarjesh të vërteta, filmi “Zana”, nën regjinë e Antoneta Kastratit, ishte vlerësuar nga kritika si një nga përpjekjet më serioze për të universalizuar dhembjen shqiptare.