Kulturë

“Prova” e Adrian Pacit hulumton mundësitë

“Prova” e Adrian Pacit hulumton mundësitë

“Prova” është veprim për t’i vënë në hartë mundësitë dhe shanset, por edhe për t’i zbuluar potencialet dhe zotërimet e aftësive. Me një titull të pazakontë e tërheqës, piktori shkodran Adrian Paci do të sjellë ekspozitën, nëpërmjet së cilës imazhi në lëvizje dialogon me imazhin e ndalur të serive fotografike.

Galeria Kombëtare e Arteve në Tiranë ka njoftuar se të premten do të hapet ekspozita personale e Adrian Pacit, e kuruar nga Adam Budak. Me “Prova”, artisti që jeton dhe vepron në Milano të Italisë vë në pah dinamikat e largimit dhe të mërgimit përmes një rituali të përkatësisë dhe identifikimit e deri te mekanika e vetëfuqizimit dhe emancipimit.