-
Nga:
Shaban Maxharraj
- 12 mars 2019 09:23
- Shpërndaje në:
Novobërdë, 12 mars – Ajo që njihet si pjesa e epërme e qytetit, në Kalanë e Novobërdës është kthyer në zonë të rrezikshme për qytetarët. Kjo ndodh pa u bërë tre vjet prejse aty u investuan 1 milion e 100 mijë euro. Tabela që ndalon ngjitjen lart tek strukturat që janë restauruar e konservuar bën me dije se bëhet fjalë për zonë të rrezikshme.
Dëshmi për këtë është edhe rënia e një pjese të fasadës në anën lindore të strukturave të Kalasë, që mund të evidentohet edhe nga ata që nuk mund ta kalojnë shiritin e rrezikshmërisë. Fasada – në këtë rast me gurë – ka rënë në dy sipërfaqe muresh edhe në anën perëndimore të monumentit që daton nga shekulli XIII. Brenda strukturave, një dëmtim i ngjashëm është vetëm në murin afër portës kryesore. Kurse gurët që ndërtojnë harkun tek porta, janë plasaritur.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShembjet që kanë nisur muajin e kaluar kanë arritur në pikë kritike, përderisa ka indikacione për të tjera. Hise në punën e bërë në këtë monument kanë UNESCO-ja, Bashkimi Evropian, një kompani kroate që ka hartuar projektin, një tjetër serbe që e ka implementuar atë e edhe institucionet vendore. Fiks 1.1 milionë euro është kostoja e projektit që ka nisur në fillim të vitit 2015 dhe është përmbyllur në fund të 2016-s. Financimi është bërë nga Komisioni Evropian, kurse palët punëkryerëse janë kontraktuar e mbikëqyrur nga UNESCO-ja. Hartimi i projektit konservues e restaurues ishte bërë nga kompania “Omega Engineering” me seli ne Dubrovnik e punët ishin kryer nga kompania “Koto” me seli në Beograd. Mbikëqyrja ishte bërë nga përfaqësues të këtyre dy kompanive e po ashtu edhe nga përfaqësues të UNESCO-s, Bashkimit Evropian e të institucioneve vendore. Të gjitha palët do t’i bëjnë një vizitë monumentit për të konstatuar gjendjen në mënyrë që të zhvillohen hapat e ardhshëm.
Në fund të viti 2018, Instituti Arkeologjik i Kosovës kishte vërejtur se ka indikacione që paralajmëronin probleme në muret e strukturave të Kalasë.
(Gjerësisht, sot në "Kohën Ditore")
{gallery}