Një depo hekurishteje në fshatin Bibaj të Ferizaj, është kapluar nga zjarri gjatë pasdites të së mërkurës.
Asnjë person nuk është lënduar nga ky rast, ka bërë të ditur zëdhënësi i Policisë për rajonin e Ferizajt, Kanun Veseli.
“Sot, rreth orës 13:40 kemi pranuar një informacion se në fshatin Bibaj të Ferizajt në një depo hekurishte ‘Mbrojtja e Ambientit’ është një zjarr. Patrullat e policisë janë në vendin e ngjarjes, gjithashtu edhe zjarrfikësit e Ferizajt. Nuk është raportuar për ndonjë të lënduar”, ka thënë ai.
Sipas Veselit, zjarri është lokalizuar.
Artikuj të ngjashëm