Një 40-vjeçar raportohet se është vrarë në fshatin Balaj të Ferizajt.
Sipas zëdhënësit të Policisë për rajonin e Ferizajt, Kanun Veseli, është arrestuar i dyshuari dhe është sekuestruar një armë zjarri.
Nuk janë bërë ende të ditura motivet e rastit.
“Me datën 15.09.2025 rreth orës 19:42 kemi pranuar një informatë se në fshatin Balaj të Ferizajt ka ndodhur një vrasje. Viktimë është një person mashkull, i moshës rreth 40 vjeç. Policia ka arrestuar të dyshuarin dhe ka sekuestruar një armë zjarri. Rasti është duke u hetuar nga njësitë relevante nën udhëheqjen e prokurorit të shtetit”, ka thënë Veseli.