F.D., 38 vjeç, ka mbetur i vrarë në orët e parë të së mërkurës në Sukth të Durrësit.
Ai është qëlluar te vendi i njohur si shinat e trenit nga persona të paidentifikuar. 38-vjeçari u transportua për në spital, por nuk mundi t’i mbijetojë plagëve të marra.
Shërbimet e Policisë me marrjen e njoftimit kanë shkuar menjëherë në vendngjarje, sipas njoftimit.
“Grupi hetimor ka shkuar në vendngjarje dhe në bashkëpunim me Prokurorin vijon veprimet për zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve. Ndërkohë shërbimet e Policisë kanë ngritur pika kontrolli dhe vijon krehja e zonës”, thuhet në njoftim.
Viktima është nipi i një personi me precedentë penal, i njohur si “Arapi i Sukthit”.
