Vetëdorëzohet i dyshuari për tentimvrasjen në Ferizaj

Të premten pasdite Policia ka arritur ta identifikojë dhe arrestojë të dyshuarin për vrasje në tentativë në Ferizaj.

Të enjten mbrëma në rrugën "Tahir Meha" në Ferizaj ishte raportuar rastin.

Nga hetimet e para, Policia ka mësuar se “pas një zënke i dyshuari F.G (M/K) i moshës 57 vjeçar kishte qëlluar me armë zjarri në drejtim të një personi tjetër, duke i shkaktuar lëndime trupore dhe ishte larguar me një veturë në drejtim të panjohur, ndërsa viktima ishte dërguar për ndihmë mjekësore në Qendrën Emergjente në Ferizaj dhe ishte jashtë rrezikut për jetën”.

Policia ka thënë se i dyshuari është vetëdorëzuar në stacion, ashtu si edhe armën me katër fishekë të cilën e ka përdorur një natë më parë.

Ai është ndaluar në mbajtje për 48 orë.