Një person ka humbur jetën në një vetaksident në fshatin Bajicë të Istogut.
Zëdhënësi i Policisë për rajonin e Pejës, Fadil Gashi, ka njoftuar se Policia është informuar për aksidentin rreth orës 20:00.
“Policia ka arritur në vendngjarje, ku viktima është dërguar për në Spitalin Rajonal në Pejë. Aty mjekët kanë konstatuar vdekjen e tij. Policët kanë bërë shikimin e vendit të ngjarjes dhe është kuptuar që ka të bëjë me vetaksident, ku vetura ka dalë nga rruga”, tha Gashi për KOHËN.
Trupi i viktimës është dërguar për obduksion në IML.
