Një 24-vjeçare ka vdekur mbrëmjen e së premtes si pasojë e një plage me armë zjarri.
Policia ka njoftuar se rasti ka ndodhur në një poligon në rrugën "Dritan Hoxha "në Prishtinë.
24-vjeçarja ishte dërguar për trajtim mjekësor në QKUK, por më pas ka vdekur.
“Njësitet policore menjëherë kanë dalë në vendngjarje dhe kanë ndërmarrë të gjitha veprimet e nevojshme hetimore. Në kuadër të hetimeve, është arrestuar një zyrtar përgjegjës i poligonit dhe me vendim të prokurorit është ndaluar për 48 orë. Hetuesit policor në koordinim me prokurorinë po punojnë për sqarimin e plotë të rrethanave të rastit, i cili me urdhër të prokurorit është iniciuar ‘Vetëvrasje, Shkaktim i rrezikut të përgjithshëm me pasojë vdekjen’”, njoftoi PK.