“Vdekje e dyshimtë”, foshnja dymuajshe dërgohet pa shenja jete në ambulancën e Studençanit

Një foshnje dymuajshe është dërguar pa shenja jete në ambulancën në fshatin Studençan të Suharekës të enjten pasdite, ka njoftuar Policia e Kosovës.

Policia po ashtu ka bërë të ditur se për ngjarjen është hapur rasti “vdekje e dyshimtë”.

Sipas njoftimit të Policisë, familjarët kanë deklaruar se deri ditët e fundit foshnja ka qenë në Qendrën Klinike Universitare të Kosovës, për shkak të gjendjes së rëndë shëndetësore.

“Pas mbledhjes së provave dhe dëshmive nga vendi i ngjarjes, me urdhër të prokurorit, trupi i pajetë dërgohet në Institutin e Mjekësisë Ligjore në Prishtinë për ekzaminim”, ka thënë për KOHËN zëdhënësi i Policisë për rajonin e Prizrenit, Shaqir Bytyqi.