Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditë të pandehurve Zh.D. dhe V. B.
Sipas njoftimit, të pandehurit dyshohen se me datë 26 dhe 27 shtator 2019, në vazhdimësi kanë ushtruar presion dhe kanë kanosur të dëmtuarit O. K., S. K. dhe J. K., që në zgjedhjet që pritet të mbahen të dielën të përkrahin dhe votojnë partinë Lista Serbe.
Me këto veprime të pandehurit dyshohen të kenë kryer veprën penale ‘’cenimi i përcaktimit të lirë të votuesve” vepër e sanksionuara me Kodin Penal të Republikës së Kosovës (KPRK).
Gjyqtari i procedurës paraprake në Departamentin e Krimeve të Rënda, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurve, pasi që masat tjera alternative do të ishin të pamjaftueshme për zhvillimin normal të procedurës penale.
Palët kanë të drejtën e ankesës ndaj këtij vendimi në Gjykatën e Apelit.
-
Aktakuzë ndaj dy personave për presion ndaj qytetarëve që ta votojnë Listën Serbe
-
Prokuroria ndalon dy persona që u bënin presion tjerëve të votojnë Listën Serbe
-
Masë paraburgimi serbëve të dyshuar për kërcënim të votuesve në Graçanicë
-
Arrest shtëpiak për 15 të dyshuar për manipulim votash në Dragash dhe Suharekë
-
Gykata në Mitrovicë refuzon paraburgimin ndaj 10 personave të dyshuar për manipulim të votave