Mbrëmë në rrugën “Demokracia” në Prishtinë, afër kompleksit “Qafa”, në ora 22:12, është raportuar për një gjuajtje me armë.
Njësitet policore kanë dalë në vendin e ngjarjes dhe kanë kryer procedurat e vendshikimit.
“Më vonë tre ankues meshkuj K/Shqiptarë janë lajmëruar në polici dhe kanë njoftuar se gjersa ishin në veturë, një i dyshuar mashkull K/Shqiptar ka shtënë me armë zjarri në drejtim të tyre, mirëpo nuk i kishte qëlluar”, thuhet në njoftimin e Policisë së Kosovës, raporton Koha.net.
Policia thekson se në vend të ngjarjes janë gjetur dhe konfiskuar dy gëzhoja dhe një predhë.
Njësitet policore janë në kërkim të personit të dyshuar.
