Një infermiere dhe një anesteziolog kanë raportuar në Polici të premten se derisa ishin në vendin e tyre të punës janë kanosur dhe sulmuar fizikisht nga një familjar i një pacientë që ishte i shtruar në Qendrën Klinike Universitare të Kosovës.
Sipas raportit 24-orësh, i dyshuari ishte larguar nga vendi i ngjarjes. Nuk është raportuar për të lënduar, ndërsa policia ka thënë se po e heton rastin.
Për rastin ka reaguar edhe Shërbimi Spitalor dhe Klinik Universitar i Kosovës, që ka dënuar sulmin duke e cilësuar akt qyqar.
“Aktet e tilla të ushtrimit të dhunës ndaj punëtorëve shëndetësorë në detyrë në institucionet shëndetësore, janë të papranueshme, të dënueshme dhe të dëmshme, ato e dëmtojnë rëndë imazhin dhe dinjitetin e mjekut dhe infermierit, por e dëmtojnë edhe ofrimin e shërbimeve shëndetësore cilësore për gjithë qytetarët e Kosovës”, thuhet në reagimin e SHSKUK-së që ka kërkuar nga organet e drejtësisë të merren me rastin.
-
QKMF-ja në Podujevë pretendon për sulm ndaj një infermieri
-
Sulmohet fizikisht në QKUK zyrtari i Shërbimit Korrektues të Kosovës
-
Sulmohen dy punonjës shëndetësorë në QKUK
-
Brenda një jave, tri sulme ndaj stafit mjekësor – kërkohet reagim nga institucionet
-
Sulmohet fizikisht një infermiere në vendin e punës në QKUK