Policia e Kosovës, vetëm gjatë 24 orëve të fundit, ka arrestuar dy persona në Gjilan dhe Vushtrri për shkak të të shtënave nëpër ahengje.
Sipas Policisë, një i dyshuar gjatë një ahengu familjar në shtëpinë e tij ka shtënë në ajër me armë zjarri në Gjilan.
“I dyshuari ka pranuar veprën me ç’rast ka dorëzuar armën me gazë me një karikator dhe një fishek e cila është konfiskuar nga policia. Në vendin e ngjarjes janë gjetur dhe janë konfiskuar tri gëzhoja si dëshmi materiale. Pas intervistimit me vendimin e prokurorit, i dyshuari lirohet kurse rasti mbetet të hetohet”, thuhet në njoftimin e Policisë.
Ndërsa, në Vushtrri, është arrestuar një person, pasi në oborrin e një restoranti ku kishte një aheng ka shtënë me armë zjarri.
I dyshuari e ka pranuar dhe ia ka dorëzuar njësitit policor armën me gaz me një karikator të zbrazët.
Edhe
Dy raste të gjuajtjes me armë zjarri në ahengje të shtunën në Kosovë
Në vendin e ngjarjes ka dalë njësia policore, ku ka gjetur dhe ka konfiskuar 43 gëzhoja.
Pas intervistimit me vendimin e prokurorit, i dyshuari lirohet, kurse rasti mbetet të hetohet.
