Përmes një komunikate për media Policia e Kosovës bën të ditur se i ka sekuestruar armën një deputetit të Kosovës, identitetin e të cilit nuk e ka bërë të ditur.
Sekuestrimi i armës është bërë sot rreth orës 15:39 në fshatin Vraniq të Suharekës, transmeton Koha.net.
Policia thotë se është arrestuar një person, përderisa raporton se arma është vjedhur në Prishtinë
“Në vazhdën e parandalimit dhe hetimin e veprave penale, hetues policorë të Stacionit Policor në Suharekë kanë arritur të sigurojnë një informacion i cili bënte me dije se në një veturë të llojit "Audi" ka armë ilegale. Rreth orës 15:30 minuta, në fshatin Vraniq të Suharekës nga hetuesit policorë është ndaluar vetura e dyshuar dhe gjatë kontrollit të dy personave është gjetur dhe sekuetruar një pistoletë e cila besohet të jetë e një deputeti dhe e cila ishte raportuar të jetë vjedhur nga një automjet në Prishtinë”, thotë PK.
PK shton se, “lidhur me këtë është shoqëruar edhe një i dyshuar tjetër nga një fshat i Suharekës sepse dyshohet se arma është shitur personave të tretë”.
-
Arrestohet një i dyshuari për fajde - aksioni i Policisë çon në gjetjen e disa armëve të tij
-
I sekuestrohen pesë armë një personi në Skenderaj
-
Të shtëna me armë pas një mosmarrëveshjeje në Suharekë, tre të arrestuar
-
Policia gjen veturën që ishte në kërkim ndërkombëtar, arreston të dyshuarin për armëmbajtje
-
Prezantohet si pjesëtar i FSK-së pasi kapet me armë, arrestohet