Sekuestrohen në Sarandë 55 kg kanabis, prangoset 55-vjeçari

Policia ka finalizuar një tjetër operacion antidrogë të koduar “Shelegeri”, dhe ka sekuestruar 54 kg e 80 gram lëndë narkotike Cannabis Sattiva, si edhe ka arrestuar në flagrancë poseduesit e lëndës narkotike.

Në vijim të kontrolleve dhe operacioneve të vazhdueshme që janë zhvilluar nga DVP Vlorë, për evidentimin dhe parandalimin e prodhim/shitjes si edhe të trafikimit të lëndëve narkotike, më datë 28.08.2017, Seksioni i Narkotikëve dhe Trafiqeve pranë Komisariatit të Policisë Sarandë kanë finalizuar me sukses një tjetër operacion antidrogë të koduar “Shelegeri”.

Specialistët e Hetimit për Narkotikët në fshatin “Sheleger”, në banesën e shtetasit Alfred Tusha, kanë sekuestruar një sasi lënde narkotike Cannabis Sattiva me peshë totale rreth 54 kg e 80 gram. Në përfundim të hetimeve policia ka arrestuar në flagrancë si posedues të lëndës narkotike shtetasit : Alfred Tusha, 55 vjeç, banues në Sheleger, Sarandë Klajdi Tusha, 23 vjeç, banues në Sheleger, Sarandë. Policia ka sekuestruar sasinë e lëndës narkotike në cilësinë e provës materiale, si edhe ka referuar materialet hetimorë në Prokurori për veprën penale “Prodhimi dhe shitja e narkotikëve”.