Policia e Kosovës ka njoftuar se gjatë mbrëmjes së sotme ka pranuar informatë për një rrahje në progres në rrugën ”Rexhep Luci" në Prishtinë.
Me të marrë informatën, Policia ka arritur në vendin e ngjarjes dhe ka shoqëruar dy persona të cilët ishin të përfshirë në rast dhe një dëshmitar.
“Aktualisht, Policia po vazhdon punën për zbardhjen e rrethanave dhe motiveve që karakterizojnë ngjarjen”, thuhet në njoftimin e Policisë.
KOHA ka siguruar pamjet nga ky incident që ndodhi në orët e mbrëmjes në kryeqytet.
