Pronari i një restoranti në Gjakovë ka sulmuar fizikisht kuzhinieren. Pronari e kishte akuzuar kuzhinieren se ka bërë vjedhje brenda restorantit.
Ngjarja ka ndodhur në mëngjesin e djeshëm.
“Viktima kosovare ka raportuar se është sulmuar fizikisht nga shefi i saj, pronar i një restoranti, në të cilën ajo punonte si kuzhiniere. Arsyeja e sulmit ishte pasi pronari e kishte akuzuar viktimën për vjedhje brenda restorantit. I dyshuari është arrestuar dhe me konsultim të prokurorit është dërguar në mbajtje”, thuhet në njoftimin e Policisë së Kosovës.
