Policia e Kosovës ka njoftuar se në Leposaviq është ndaluar një automjet me të cilin po tentohej të kontrabandoheshin nga Serbia 100 kilogramë peshk.
Në orën 03:20 të mërkurën është ndaluar në fshatin Sarpel të Leposaviqit një automjet që po drejtohej nga i dyshuari B.B., i cili kishte hyrë në Kosovë nga Serbia përmes rrugëve alternative.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë automjet janë gjetur 100 kilogramë peshk dhe janë konfiskuar. Rasti ka shkuar në procedurë të rregullt, ndërsa është iniciuar rast për “kalim i pa autorizuar i vijës kufitare dhe kontrabandë me mall”.
“Në automjet janë gjendur 100 kg peshk i kontrabanduar, për rastin është kontaktuar prokurori kompetent i cili ka autorizuar inicimin e rastit ‘kalim i pa autorizuar i vijës kufitare & kontrabanda me mall’. Automjeti dhe malli i kontrabanduar janë dorëzuar Doganës së Kosovës, i dyshuari, me aktvendim të prokurorit është liruar në procedurë të rregullt”, thuhet nga Policia.