Policia e Kosovës ka përdorur forcën për të arrestuar një qytetar në sheshin e Prishtinës të shtunën në mbrëmje.
Një lexues ka dërguar videon në redaksinë e KOHËS. Aty shihet se për arrestimin e një personi janë angazhuar katër policë.
Sipas lexuesit të KOHËS, personi i arrestuar ishte ndalur me arsyetimin për të vendosur maskën.
KOHA ka provuar të marrë një përgjigje nga Policia e Kosovës lidhur me rastin, por një gjë e tillë ishte e pamundshme të shtunën në mbrëmje.
