Policia e Kosovës ka konfirmuar kanosjen ndaj kryetarit të Komunës së Prishtinës, Shpend Ahmeti.
Rastin për Koha.net e ka konfirmuar zëdhënësja e Policisë, Flora Ahmeti. Ajo ka thënë se rasti ka ndodhur në objektin e komunës.
“Sot rreth orës 11:00, ne stacionin policor Qendra është iniciuar një rast Kanosje ndaj personit zyrtar. Rasti ka ndodhur në rrugën “UÇK” në Prishtinë, saktësisht në objektin e Komunës. Me rastin po merren njësitet kompetente”, ka thënë ajo.
Gjatë ditës është raportuar se kryetari i Komunës së Prishtinës, Shpend Ahmeti është kërcënuar përmes emailit nga një person, derisa i njëjti sot ka kërkuar edhe takim me të. Dyshohet se kërcënimi ka të bëjë me një prone në lagjen Dardania në Prishtinë.
Artikuj të ngjashëm
-
Policia konfirmon kërcënimin me thikë ndaj kryetarit të Prishtinës
-
Arrestohet një person në Prishtinë, postoi në rrjete sociale koment me përmbajtje kërcënuese
-
Arrestohet një person në Prishtinë për kanosje dhe rrezikim të trafikut publik
-
Sulmohet një inspektor komunal në Prishtinë, të dyshuarit në arrati
-
E sulmoi një person, arrestohet shtetasi turk