Policia ka shqiptuar 357 gjoba në Ferizaj për mosrespektim të masave anti-Covid

Policia e Kosovës në Ferizaj ka shqiptuar 357 gjoba ndaj qytetarëve që nuk i kanë respektuar masat anti-Covid.

Përmes një komunikate për media, Policia ka bërë të ditur se gjatë vikendit janë angazhuar nëpër qendrat tregtare dhe lokacionet tjera më të frekuentuara, për ta monitoruar respektimin e masave.

“Këto masa janë respektuar nga shumica e qytetarëve, falë ngritjes së vet përgjegjësisë qytetare, por janë hasur edhe persona të cilët nuk i kanë përfillur të njëjtat dhe nga ana e zyrtarëve policorë gjatë ditëve të vikendit janë shqiptuar 357 tiketa ndaj personave të cilët nuk i kanë respektuar këto masa të parapara me ligji 07/L-006, si dhe janë dhënë 146 vërejtje”, thuhet në njoftim.

Policia ka apeluar te qytetarët për respektim të masave, në mënyrë që të ruhet shëndeti.