Policia italiane kap 8 shqiptarë që përdornin skemë të njëjtë për vjedhje në lokale e shtëpi

Të paktën 8 shqiptarë kanë përfunduar në prangat e policisë italiane, pasi akuzohen për një seri vjedhjesh, kryesisht lokale dhe shtëpi banimi.

Operacioni është zhvilluar në komunën e Grazzanise në provincën e Caserta. Mësohet se hetimet ndaj grupit të shqiptarëve nisën në gusht të vitit 2017, pas vjedhjeve të njëpasnjëshme të bareve dhe shtëpive në zonat e Beneventos, Latina, Salerno dhe Frosinone.

Policia italiane deri më tani ka dokumentuar autorësinë e të paktën 8 vjedhjeve, 6 prej të cilave nëpër shtëpi.

Skema e përdorur nga grabitësit ishte thuajse gjithnjë e njëjtë. Grupi kryente inspektime në zonat ku do të godiste, dhe më vonë riktheheshin për të realizuar grabitjen, ndërsa në disa raste janë filmuar edhe nga kamerat e sigurisë gjatë momenteve që kryenin grabitjet.

Gjithashtu grupi përdorte dhe skema të ndryshme për të keq orientuar hetuesit, duke e ditur se mund të përgjoheshin.

Edhe Kronikë 21 sht 2018 Katër shqiptarë të arrestuar për 24 vjedhje në Itali

Në shumë raste, shqiptarët përdornin për të transportuar sendet e vjedhura furgona apo mjete me targa të ndryshme. Policia po punon për identifikimin dhe kapjen e personave të tjerë që bënin pjesë ne grupin e grabitësve, ndërsa mbrëmjen e 12 janarit, dy prej shqiptarëve kishin prerë biletë për të udhëtuar me tren drejt qytetit Modane në Francë duke iu shmangur policisë italiane./BalkanWeb