Policia arreston një të dyshuar për grabitje në një bankë në qendër të Prishtinës, tjetri në arrati

Një person është arrestuar pasi që dyshohet se ka tentuar të vjedhë në një bankë në qendër të Prishtinës.

Një dëshmitare e rastit i ka thënë Kohës se dy të dyshuarit janë futur në bankë dhe nën kërcënimin e armës iu kanë kërkuar që t'i nxjerrin paratë nga arka, i kanë marr ato dhe janë larguar.

Rastin e ka konfirmuar edhe Policia e Kosovës. Ata kanë thënë se ai është arrestuar një i dyshuar për grabitje.

“Sot nga zyrtarët policorë, është arrestuar një person, për të cilin ekziston dyshimi i arsyeshëm se është i përfshirë në një rast të grabitjes, që ka ndodhur sot rreth orës 13:00, në filialin e një banke në sheshin Nëna Terezë në Prishtinë. Personi i dyshuar, N.D, mashkull, është arrestuar menjëherë pas raportimit të rastit, pak metra larg nga vendi i ngjarjes”, ka thënë zëdhënësja e Policisë për rajonin e Prishtinës, Flora Ahmeti.

Ajo ka theksuar se lidhur me këtë rast policia është në kërkim të personit të dytë të dyshuar, i cili aktualisht ndodhet në arrati.

Edhe LAJMET E MBRËMJES 1 sht 2023 Një i arrestuar dhe një tjetër në arrati nën dyshimin për grabitje në një bankë në kryeqytet

Koha e ka videon e arrestimit të tij.