Policia e Kosovës në rajonin e Pejës ka bërë me dije se sot në mëngjes është informuar në lidhje me një video-incizim i cili u është prezantuar nga një qytetar.
Në këtë video-incizim, sipas Policisë, vërehej një qytetar duke e goditur (në mënyre brutale) një fëmijë të komunitetit ashkali-kosovar.
“Policia e Kosovës, pas shikimit të video-incizimit, ka ndërmarrë masa të menjëhershme për arrestimin e të dyshuarit. Rasti ka ndodhur me datën 14.08.2019 në ora 14:00, në Gurrakoc-Istog. Pas një pune intensive operativo-hetimore, sot me datën 19.08.2019 rreth orës 09:23 Policia e Kosovës- Stacioni Policor Istog ka arrestuar të dyshuarin L.D lindur me 1990 m/k/sh”, ka bërë të ditur Policia, raporton Koha.net.
Pas intervistimit nga ana e hetueseve policorë, është informuar prokurori i shtetit dhe me urdhër të tij, i dyshuari ndalohet për 48 ore.
“Viktima femër e mitur ishte dërguar për trajtim mjekësor, me ç’rast gjendja e saj sipas mjekut pas trajtimit, ishte stabile. Zyrtaret policorë janë duke qëndruar në kontakt me familjarët e viktimës për t’i përkrahur për çfarëdo nevoje që mund të kenë”, ka theksuar Policia.
-
![Një 29-vjeçar rrahu një 7-vjeçare ashkalike në Istog, kërkohet paraburgim për të [pamje të rënda]](https://resources.koha.net/images/2019/August/20/sulmi_ne_istog1566320713.jpg?w=100&h=100&r=fill&q=80)
Një 29-vjeçar rrahu një 7-vjeçare ashkalike në Istog, kërkohet paraburgim për të [pamje të rënda]
-
Arrestohet një vajzë në Mitrovicë pasi e rrahu një të mitur
-
Arrestohet i dyshuari për plagosjen në Istog, postonte në TikTok gjatë arratisë
-
Tre të mitur u arrestuan për tentim vrasjen e djeshme në Istog
-
Arrestohet një i dyshuar për dhunimin e një të miture në Istog