Një aventurë si në filmat e Hollivudit mund të cilësohet operacioni i policisë në Austri për arrestimin e një 42-vjeçari nga Kosova, i cili plagosi me armë dy shtetas rumunë.
Mediat austriake shkruajnë se Jeton N. po qëndronte me dy rumunët në kopshtin e shtëpisë së njërit prej tyre, ndërsa në konflikt e sipër me ta ka nxjerrë pistoletën dhe ka qëlluar në drejtim të tyre.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNgjarja ka ndodhur në Amstetten, ndërsa shqiptari është kapur pas një ndjekjeje nga ajri me helikopter që zgjati rreth 70 minuta. Në aksion u përfshinë rreth 60 efektivë policie.
Të plagosurit janë një 41 vjeçar dhe një 25 vjeçar, indentiteti i të cilëve nuk bëhet i ditur, ndërsa ndodhen të dy në spital jashtë rrezikut për jetën.
Ndërkohë, Jeton N. dëshmoi në polici, duke thënë se kishte qëlluar për t’u vetëmbrojtur.
Sipas mediave austriake, motivi i përplasjes me armë ka qenë ish e dashura e 42-vjeçarit, e cila jetonte pranë dy rumunëve. Raportohet se ajo ishte kërcënuar dhe ngacmuar nga të plagosurit.
{gallery}