Policia e Kosovës ka njoftuar se të martën në një pikë kontrolli në autostradën “Arbën Xhaferi”, për dy orë e gjysmë ka shqiptuar 20 gjoba për tejkalim të shpejtësisë.
Në njoftimin e Policisë thuhet se kanë hasur edhe shoferë që gati e kanë dyfishuar shpejtësinë, nga ajo e lejuara.
Njësia për kontroll të autostradave në vazhdim të implementimit të planeve operative me datën 21.03.2023 nga ora 09:30 deri 12:00 ka realizuar kontroll të shtuar në matjen e shpejtësisë së lëvizjes së automjeteve në autostradën ‘Arbën Xhaferi’, me ç’ rast ka shqiptuar 20 gjoba për tejkalim shpejtësie, ku në zonën e kufizimit të shpejtësisë 120 km/h janë identifikuar shoferë duke drejtuar mjetet me shpejtësi 223 km/h dhe 236 km/h, të njëjtit janë gjobitur me nga 300€, 3 pikë negative dhe 3 muaj i është ndaluar drejtimi i mjetit me veprim motorik”, thuhet në njoftimin e Policisë.
Policia ka apeluar te të gjithë pjesëmarrësit në trafik që të kenë kujdes më të shtuar, të respektojnë rregullat dhe shenjat e trafikut rrugor si dhe t’iu përshtaten kushteve të rrugës, siç thuhet, për të pasur një siguri më të madhe në trafik.
-
Policia gjobit tre shoferë, u zunë duke bërë gara ilegale të shpejtësisë
-
Voziti me shpejtësi 222 km/h në autostradë, gjobitet me 500 euro dhe i pezullohet leja për 6 muaj
-
500 euro gjobë personit që voziti pa patentë shoferë në Prishtinë me shpejtësi 180 km/h
-
Parandalohen tri gara ilegale të shpejtësisë, policia shqiptoi gjoba e sekuestroi automjete
-
220 gjoba në trafik në kryeqytet për një ditë, 35 shoferëve u sekuestrohet patentë-shoferi