Kanë kaluar 6 ditë qëkurse u gjet i vdekur 12-vjeçari në Fushë Kosovë.
Të martën mbrëma, Policia e Kosovës arriti ta arrestojë një person me inicialet S. O., i cili dyshohet se ka vrarë të miturin nga Fushë Kosova, raporton KTV.
Mirëpo, K. V., sipas banorëve, nuk është i vetmi fëmijë në lagje që ishte ngacmuar nga ky person.
Edhe një 15-vjeçar i së njëjtës familje, tregon se ishte dhunuar nga i dyshuari e pastaj edhe kërcënuar.
E kjo familje vazhdimisht kishte pasur probleme me të dyshuarin S. O. Ai ia ngacmonte fëmijët pothuajse çdo ditë, tregon Mustafë Tatari.
Edhe
Nisin procedura disiplinore kundër prokurorëve të rastit të vrasjes së të miturit në Fushë-Kosovë
Ata thonë që kishin kërkuar në vazhdimësi ndihmën e policisë, por nuk kishin arritur ta gjenin S. O.
Ndërkaq, e ëma e të miturit që u vra në Fushë Kosovë, Makfire Ilazi, tregon se nuk ishte hera e parë që i biri i saj po keqtrajtohej nga i dyshuari.
K. V., 12-vjeçar jetonte në afërsi të të dyshuarit S. O. Për këtë arsye, Qendra për Punë Sociale në Fushë Kosovë e kishte strehuar familjen e tij.
KTV-ja ka qëndruar edhe shtëpinë ku sulmuesi banon, por aty nuk ka qenë askush nga familja e tij.
Edhe
Nisin procedura disiplinore kundër prokurorëve të rastit të vrasjes së të miturit në Fushë-Kosovë
Policia e Prokuroria po e heton S. O. për vrasje të rëndë.
Prokuroria Themelore në Prishtinë pritet të kërkojë paraburgim për të.
