Një muaj paraburgim i janë caktuar policit i cili keqpërdori detyrën duke prishur provat gjatë aksionit të Policisë së Kosovës në Zveçan.
Ai po akuzohet për tri vepra penale.
“Gjykata Themelore në Mitrovicë ka aprovuar kërkesën e Prokurorisë Themelore në Mitrovicë, dhe të pandehurit A.R., i ka caktuar masën e paraburgimit prej një muaji, për shkak të dyshimit të bazuar se ka kryer veprat penale ‘Keqpërdorimi i pozitës apo autoritetit zyrtar’, ‘Pengimi i të provuarit apo procedurës zyrtare’, si dhe ‘Dhënia e ndihmës kryesve pas kryerjes së veprave penale’”.
I pandehuri A.R., polic i Njësisë për Reagim të Shpejtë, ka dëmtuar kamerat e sigurisë që kanë qenë të vendosura në objektin biznesor në fshatin Izvor – komuna e Zveçanit me pronar i dyshuari S.N., ku është kryer kontrollimi dhe është gjetur laboratori për prodhimin e substancave narkotike si dhe janë gjetur 10 mijë bimë narkotike të llojit marihuanë.
