Një person ka humbur jetën si pasojë e goditjes nga një veturë të enjten në mbrëmje në rrugën Mitrovicë-Prishtinë, gjegjësisht në segmentin rrugor në Vushtrri, ka njoftuar Policia e Kosovës.
Siç ka bërë të ditur Policia rajonale në Mitrovicë, këmbësori E.Xh., 56-vjeçar, është dërguar në mbrëmje në Qendrën Klinike Universitare të Kosovës për trajtim, por që s’ka mundur t’u bënte ballë lëndimeve.
Nga hetimet e para, deri tek aksidenti dyshohet të ketë ardhur nga pakujdesia e drejtuesit të automjetit, sipas policisë.
Të dyshuarit, E.M., 22-vjeç, i është shqiptuar masa e ndalimit.
Artikuj të ngjashëm
