Një grua është therur me thikë nga bashkëshorti i saj në Gjakovë.
Lajmin e ka bërë të ditur policia në Gjakovë, e cila ka thënë se viktima është dërguar për tretman mjekësor, pas ka marr lëndime në qafë dhe dorë.
I dyshuari është larguar nga vendi i ngjarjes, ndërsa lidhur me rastin janë njoftuar te gjitha njësitet relevante policore dhe Prokurori Kujdestar.
“Stacioni policor- Gjakovë ka pranuar informatë se një person i gjinisë femërore është sulmuar nga një person në rr. UÇK në Gjakovë. Patrulla policore i është përgjigjur rastit, dhe me të dal në vend të ngjarjes ka takuar viktimën femër e cila dyshohet që është sulmuar me mjet të mprehtë (thikë) nga burri i saj. Viktima është dërguar me Autoambulancë në Emergjencën e Spitalit Rajonale ‘Isa Grzda’ në Gjakovë, pasi që ka pësuar disa lëndime në qafë dhe dorë nga goditjet e të dyshuarit”, thuhet në njoftimin e Policisë.
Sipas mjekëve, gjendja shëndetësore e viktimës është stabile. I dyshuari është larguar nga vendi i ngjarjes, njësitet policore janë duke e kërkuar te dyshuarin. Lidhur me rastin janë njoftuar te gjitha njësitet relevante policore dhe Prokurori Kujdestar.
