Një grua ka vdekur e një burrë është plagosur me armë zjarri në fshatin Kërvasari të Malishevës.
Zëdhënësja e Policisë, Vlera Krasniqi ka konfirmuar për KOHËN se rasti ka ndodhur të dielën rreth orës 23:20, kur Policia e Kosovës është njoftuar për një rast të plagosjes me armë zjarri.
Në përgjigje thuhet se njësitë policore kanë dalë menjëherë në vendin e ngjarjes, ku në një dhomë gjumi kanë gjetur dy persona, një çift bashkëshortor, të plagosur nga arma e zjarri.
“Të plagosurve u është ofruar ndihma e parë mjekësore dhe më pas janë dërguar për trajtim në Qendrën Klinike Universitare të Kosovës (QKUK). Në vendin e ngjarjes është gjetur dhe sekuestruar një armë zjarri, e cila dyshohet se është përdorur në rast. Rreth orës 01:10, Policia është njoftuar nga QKUK-ja se viktima, grua në moshë madhore, ka ndërruar jetë”, thuhet në përgjigje.
Në vendin e ngjarjes ka dalë edhe prokurori i shtetit, me vendimin e të cilit rasti është iniciuar si “Vrasje e rëndë”.
Hetimet për zbardhjen e plotë të rrethanave dhe motivit të rastit janë duke vazhduar.
-
Një grua humb jetën në vetaksidentin në autostradën “Ibrahim Rugova”
-
Gjenden të vdekur një grua në Prizren dhe një burrë në Gjilan, policia po i heton rastet
-
Dy shqiptarë të Maqedonisë së Veriut vdesin në një aksident në Serbi
-
KOMF-i për rrahjen e të miturës nga 18-vjeçarja: Ekspozimi mund ta rëndojë edhe më tej viktimën
-
Arrestohet një vajzë në Mitrovicë pasi e rrahu një të mitur