Një vetaksident i rëndë ka ndodhur sot në Zabel të Ulët të Drenasit.
Zëdhënësja e policisë për rajonin e Prishtinës, Flora Ahmeti, tha për KosovaPress se një e mitur ka humbur jetën dhe katër persona të tjerë kanë pësuar lëndime.
“Sot, rreth orës 17:00, kemi pranuar informatën se në fshatin Zabel i ulët të Drenasit, ka ndodhur një aksident trafiku me pasoja fatale. Në këtë aksident ka qenë i përfshirë një automjet. Si pasojë e aksidentit një person ka mbetur i vdekur dhe janë lënduar katër të tjerë. Vdekja e viktimës (e mitur) është konstatuar nga ekipi mjekësor në vendin e ngjarjes, ndërkohë që personat e lënduar janë dërguar për tretman mjekësor”, tha Ahmeti.
Ajo tha se me rastin po merret njësiti i trafikut rajonal.