Një burrë në veri shoqërohet në polici pasi u vesh si polic

Një burrë është shoqëruar në stacionin policor në Mitrovicë të Veriut, pasi dyshohet se është prezantuar në mënyrë të rreme si person zyrtar.

Sipas raportit policor, rasti ka ndodhur të dielën, kur një njësi policore ka hasur një të dyshuar mashkull kosovar të veshur me pjesë të uniformës së Policisë së Kosovës.

Pas ndalimit dhe intervistimit të tij, policia ka konfiskuar tri veshje të Policisë së Kosovës që posedoheshin nga i dyshuari.

Me vendim të prokurorit, i dyshuari është liruar në procedurë të rregullt, ndërsa rasti po trajtohet si “Prezantim i rremë si person zyrtar”.