Prokuroria Themelore në Gjakovë ka ngritur aktakuzë kundër të pandehurit E.K. nën dyshimin për kryerjen e veprës penale të “dhunimit” të një të 13-vjeçareje.
Sipas aktakuzës, i pandehuri më 23 shtator e ka pritur të miturën në dalje të fshatit Janosh në Gjakovë e më pas me të kishte shkuar në fshatin Vitomiricë të Pejës. Tutje thuhet se për 6 ditë, për t’iu shmangur Policisë, kanë lëvizur dhe gjatë gjithë kohës e ka detyruar të miturën të kryente marrëdhënie seksuale.
Të dy atë kohë ishin shpallur të zhdukur, ndërsa i pandehuri është arrestuar pas disa veprimeve operative të Policisë.
