Nëntë persona arrestohen në Shtërpcë për “vjedhje të pyjeve”

Nëntë persona janë arrestuar të shtunën në Shtërpcë nën dyshimin për vjedhje të pyjeve, ka njoftuar Policia në Ferizaj.

Sipas njoftimit, në mëngjes Policia ka zhvilluar planin operativ “mbrojtja e pyjeve 2022” në pjesën e parkut nacional “Sharri”, në fshatin Berevce të Shtërpcës. Të gjithë të arrestuarit janë shoqëruar në stacionin policor, ndërsa pas intervistimit gjashtë prej tyre janë liruar në procedurë të rregullt.

L.N. 20-vjeçar, A.A. 33-vjeçar dhe S.A. 35-vjeçar janë ndaluar për 48 orë.

Pesë traktorë, disa motosharra dhe drurë, janë konfiskuar.

{gallery}