Në urën e Bistricës në veri të Kosovës janë konfiskuar të shtunën 84 paketime të kafesë, të cilat transportoheshin pa dokumente, ka bërë të ditur Policia e Kosovës në një njoftim për media.
“Policia e Kosovës, në vazhdën e angazhimit për ofrim të sigurisë dhe parandalim të krimit e kontrabandës, sot tek ura e Bistricës në veri të vendit, ka ndaluar një automjet të cilin e drejtonte personi (M.P.) mashkull i nacionalitetit serb, i cili transportonte mallra pa dokumente”, ka njoftuar Policia.
Sipas njoftimit, gjatë kontrollit të veturës janë hasur “51 paketime me nga një kilogram kafe dhe 33 paketime me 70 gramë kafe, për të cilat ngasësi i automjetit nuk posedonte dokumente për mallin që transportonte”.
Policia ka thënë se është bërë dorëzimi i automjetit dhe mallit te njësitet doganore, për të vazhduar me proceduar të mëtutjeshme ligjore.
-
Kapen 3600 kilogramë kafe që dyshohet të jenë kontrabanduar nga Serbia
-
Policia në veri sekuestron mbi 5.500 boksa cigare të kontrabanduara
-
Ndalohet automjeti që po kontrabandonte 40 keca
-
Ndalohet një automjet në Kamenicë, gjenden 1500 kg speca që dyshohen se u kontrabanduan nga Serbia
-
Kaloi kufirin ilegalisht nga Serbia, shtetasit të huaj i konfiskohet vetura