Të mërkurën është iniciuar rast i dhunës në familje në Qifllak të Rahovecit. Raportohet se një grua është rrahur nga kunatat e saj derisa e kanë dëbuar nga shtëpia dhe ia kanë ndalur fëmijët.
Sipas njoftimit rastin e ka raportuar babai i viktimës, derisa ajo ka pësuar lëndime trupore.
Njëra nga të dyshuarat është arrestuar dhe në Polici i ka mohuar të gjitha akuzat derisa e dyshuara tjetër nuk është gjetur në shtëpi.
Qendra për Punë Sociale njoftohet se i ka marrë dy fëmijët e viktimës të moshës 1 dhe 3 vjeç dhe u janë dhënë nënës e cila me vetëdëshirë është strehuar te prindërit e saj në fshatin Ratkoc.
Rasti ka shkuar në procedurë të rregullt.
