Një sasi droge është hetuar dhe sekuestruar nga një person që kishte shkuar për të vizituar të afërmin në Qendrën e Paraburgimit në Lipjan.
Në raportin e sotshëm të Policisë së Kosovës bëhet e ditur se dje në Qendrën e Paraburgimit në Lipjan oficerët korrektues gjatë kontrollit një vizitori i është gjetur substancë narkotike, transmeton Koha.net.
Në raport theksohet se sasia ishte dy gramë dhe kishte qëllim t’ia dërgonte të vëllait të tij, i cili gjendet në vuajtje të dënimit.
Bëhet e ditur se substanca narkotike është konfiskuar, ndërsa i dyshimti pas intervistës me urdhër të prokurorit kujdestar lirohet në procedurë të rregullt.
Artikuj të ngjashëm