Policia e Kosovës me urdhër të Prokurorisë Speciale, ka zhvilluar një aksion në shtatë lokacione të ndryshme në Kosovë, ku janë arrestuar shtatë persona të dyshuar për vepra të ndryshme penale.
Prokuroria e Policia kanë njoftuar se gjatë aksionit janë sekuestruar vetura, armë, municion dhe mjete të konsiderueshme materiale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDyshohet se personat e përfshirë janë përfshirë në vepra penale si “hyrje në sisteme kompjuterike”, “mashtrim” dhe “shpëlarje të parave”.
“Me urdhër të Prokurorisë Speciale (PS), Policia e Kosovës ka ndërmarr një aksion në shtatë lokacione të ndryshme të Kosovës, ku janë arrestuar shtatë (7) persona të dyshuar për vepra të ndryshme penale. Prokuroria Speciale dhe Policia e Kosovës, njoftojnë opinionin se gjatë këtij aksioni janë sekuestruar disa vetura, armë, municion, mjete të konsiderueshme materiale, si dhe prova të tjera materiale të cilat dyshohen se janë përdorur për kryerjen e veprave penale. Aksioni është zhvilluar në shtatë (7) lokacione të ndryshme me dyshimin se personat e ndaluar janë përfshirë në kryerjen e veprave penale, ‘’Hyrje në sistemet kompjuterike’’, ‘’Mashtrimi’’ dhe ‘’Shpëlarje e parave’’”, thuhet nga Prokuroria Speciale e Kosovës.