Menaxheri i Institutit “INKOS” në Korporatën Energjetike të Kosovës (KEK) e ka njoftuar Policinë e Kosovës se është shantazhuar nga një adresë anonime në email.
Sipas njoftimit të policisë të shtunën, shantazhi ishte i drejtuar jo vetëm për ankuesin por edhe për menaxhmentin e KEK-ut.
“Ankuesi mashkull kosovar menaxher i institutit INKOS në KEK ka njoftuar se nga një adresë anonime i ka ardhur një emali me përmbajtje shantazhi për ankuesin dhe menaxhmentin e KEK-ut. Lidhur me rastin përveç njësive të hetuesisë është njoftuar edhe njësia e Krimeve Kibernetike. Nuk raportohet për të arrestuar”, thuhet në njoftim të policisë.
