Prokuroria Speciale e Kosovës të mërkurën ka njoftuar se e ka liruar të dyshuarin për krime lufte, T.B., ani pse vetë kishte urdhëruar arrestimin e tij gjatë ditës së djeshme [e martë].
Policia kishte arrestuar 52-vjeçarin në pikën kufitare në Merdar, pasi dyshohej për krime lufte kundër popullatës civile të kryera gjatë viteve 1998-1999 në komunën e Vushtrrisë.
Por në njoftimin e sotëm, Prokuroria Speciale ka vlerësuar se nuk ekzistojnë bazat ligjore për caktimin e paraburgimit.
“Prokuroria Speciale njofton se pas shqyrtimit të kallëzimit penal të Policisë së Kosovës, respektivisht Njësia për Hetimin e Krimeve të luftës, kjo prokurori ka vlerësuar se nuk ekzistojnë bazat ligjore për caktimin e paraburgimit ndaj personit të ndaluar, andaj PSRK ka urdhëruar lirimin e tij të menjëhershëm. I njëjti ishte ndaluar gjatë ditës së djeshme 10.10.23, për shkak të dyshimit se është i përfshirë në kryerjen e veprës penale të Krimeve të luftës”, thuhet në njoftim.
-
Arrestohet në Merdar një i dyshuar për krime lufte në Kosovë
-
Arrestohet e lirohet një i dyshuar për krime lufte në Prizren
-
Arrestohet një i dyshuar për krime lufte në Komunën e Kaçanikut
-
Arrestohet një i dyshuar për krime lufte në Prishtinë më 1999
-
Një i dyshuar për krime lufte arrestohet në Aeroportin e Prishtinës