Katër persona kanë pësuar lëndime trupore si pasojë e një aksidenti në fshatin Penuh të Podujevës.
Rastin e ka konfirmuar për Koha.net, zëdhënësja e Policisë, Flora Ahmeti.
Sipas saj, të përfshira në aksident kanë qenë dy vetura të cilat ishin në lëvizje, ndërkaq personat e lënduar janë dërguar për tretman mjekësor.
“Rreth orës 12:30 kemi marre informatë për një aksident trafiku me lëndime në fshatin Penuh të Podujevës. Në aksident kanë qenë të përfshira dy vetura të cilat ishin në lëvizje. Si pasojë e aksidentit, lëndime trupore kanë pësuar katër persona, të cilët janë dërguar për tretman mjekësor. Me rastin po merret njësiti i trafikut”, ka thënë ajo.
