Policia e Kosovës ka njoftuar se gjatë ditës së sotme në pikën kufitare të Qafës së Morinës ka konfiskuar 232 kilogramë mjaltë të padeklaruar.
Sipas Policisë, për këtë rast janë ndaluar dy persona që ishin në një veturë me targa të Shqipërisë.
“Gjatë kontrollimit të hollësishëm nga zyrtarët në SPK Qafa e Morinës janë hasur në 116 shishe të plastikës dy litërshe të mbyllura, të mbushura me mjaltë, sasia e mjaltës është përafërsisht 232 kilogramë (e pamatur), mall i padeklaruar gjatë kalimit të kufirit shtetëror”, thuhet në njoftimin e Policiës.
I dyshuari që ishte pasagjer në veturë ka pranuar pronësinë e shisheve të mbushura me mjaltë. Me urdhër të prokurorit është hapur rasti “Mosdeklarim i Mallit”.