Njësiti Antidrogë në Gjakovë sot ka konfiskuar 67 kilogramë marihuanë në qytetin e Rahovecit, me ç’rast ka arrestuar një të dyshuar.
Këtë e ka konfirmuar për Koha.net zëdhënësi i Policisë së Kosovës, Daut Hoxha.
Ai ka bërë të ditur se sot, me datë 07.05.2019 rreth orës 14:00, njësiti i antidrogës në Gjakovë i cili njësit është në kuadër të Drejtorisë për hetimin e trafikimit me narkotikë në Policinë e Kosovës, ka siguruar informacione relevante se një person i dyshuar në Rahovec mban në posedim në pronën e tij sasi të substancave të dyshuara narkotike.
“Pas vlerësimit të situatës, janë aktivizuar njësitet kompetente policore në rajonin e Gjakovës dhe në konsultim edhe me organet e drejtësisë është realizuar një kontrollë/bastisje në objektet e që dyshohej se ishin në shfrytëzim nga personi i dyshuar. Nga realizimi i këtij operacioni kontrolli ka rezultuar me gjetjen dhe konfiskimin e tri (3) çantave/paketimeve najloni, ngjyrë të zezë të mbushura me substancë në formë bari ngjyrë e gjelbër e dyshuar si substancë narkotike e llojit Marihuanë dhe pesha e tyre ka rezultuar të jetë 67 kilogram”, ka thënë Hoxha për Koha.net.
Tutje ai ka shtuar se njësitet kompetente policore, përfshirë edhe ato të krimteknikës kanë kryer procedurat e nevojshme në vendin e ngjarjes për sigurimin e dëshmive materiale.
Edhe
Në Gjakovë arrestohen katër të dyshuar për shitblerje të narkotikëve
“Me këtë rast një person është arrestuar nga policia, i cili me urdhër të prokurorit kompetent ndalohet për 48 orë për vazhdimin e procedurave tjera ligjore”, ka thënë Hoxha për Koha.net.
Policia e Kosovës mbetet e përkushtuar dhe po punon me përkushtim dhe intensitet në luftimin e dukurive negative dhe veprave penale në përgjithësi të cilat në çfarëdo forme cenojnë sigurinë e qytetarëve tanë dhe kryesit e këtyre veprave penale të dalin para organeve të drejtësisë.
