Inspektorati Policor i Kosovës ka rekomanduar suspendimin e tre zyrtarëve policorë të përfshirë në keqtrajtimin e një personi në Prishtinë.
Fillimisht ishte arrestuar polici i cili kishte keqtrajtuar një të ri gjatë ushtrimit të detyrës zyrtare. Ndërsa dy të tjerët dyshohet se kanë qenë pjesëmarrës në keqtrajtim.
Pas hetimeve, IPK-ja ka identifikuar dy zyrtarët tjerë të përfshirë, që të dy janë punonjës në Drejtorinë Rajonale në Prishtinë, ashtu si edhe zyrtari i parë i përfshirë drejtpërdrejt në keqtrajtim.
