Një 8-vjeçar ka humbur jetën në Suharekë si pasojë e lëndimeve që mori pasi është zënë nga dera e oborrit.
Zëdhënësi i Policisë për rajonin e Prizrenit, Vesel Gashi, ka konfirmuar për KOHËN se dy fëmijë kanë marrë lëndime në këtë rast, një 8-vjeçar dhe një 6-vjeçare.
Tetëvjeçari nuk ka arritur t’u mbijetojë plagëve, ndërsa motra e tij gjashtëvjeçare ka marrë lëndime, por është jashtë rrezikut për jetë.
“Policia në Suharekë ka pranuar një informacion që dy fëmijë kanë kërkuar ndihmë mjekësore pasi i ka zënë dera e oborrit. Të dy janë dërguar në Spitalin Rajonal në Prizrenit, ku nga plagët një 8-vjeçar ka humbur jetën”, ka thënë Gashi.
Artikuj të ngjashëm