Në Shtime dje në një pompë derivatesh ka ndodhur një plaçkitje, njofton Polica e Kosovës.
Lajmin e kanë bërë të ditur dy viktima, meshkuj K/Shqiptar punëtorë në pompë.
Ata, sipas njoftimit nga Policia, kanë raportuar se dy persona të maskuar nën kërcënimin e armës së zjarrit i kanë grabitur rreth 700 € para, transmeton Koha.net.
Të dyshuarit gjatë grabitjes kishin rrahur njërin nga viktimat dhe gjatë ikjes kanë shtënë me armë zjarri në ajër.
Në vendin e ngjarjes është gjetur dhe konfiskuar një gëzhojë.
Njësia përkatëse policore është duke hetuar rastin.
Artikuj të ngjashëm
